Mestreechs Heukske



DE ZON

De regelende Mach !

Gesjreve door Jef Franssen

In eedere wereld is 'n altied sturende, regelende Mach aonwezig
Ouch in de wereld vaan de mins is die Mach ummertouw bezig

De Krach vaan die Mach blijf altied branne
Geine kin häör verbanne

Häör leech doorbaord in elke wereld de duusternis
Leeve zoonder häör is 'n duujelek gemis

Slevenier is eigeneer vaan die Mach,
eigeneer vaan die Krach
Op eeder gesjaopene aanders aonwezig
Häör geheime zien veur altied verzegeld

In euze wereld brach zie leech in de nach
Dat leech kaom, zaog en euverwon
Häöre naom: Zon

Zie kin sjinke en numme, numme en sjinke
Slevenier beslis

De mins wouw hei de hiersjappij verkriege
Väöle, hiel väöle höbbe toen de deur nao euze naoste gemis
Pijn en verdreet kin daan neet oetblieve

't Ind vaan de mach vaan de mins euver dees planeet is kortbij
Eus dwinge euver plant bies en stein is zoe metein veur altied veurbij
Plant bies en stein zien daan vrij
De Zon gief aon alles 'ne aandere beslissende drej

De kleinste en de groetste orkaan
de kleinste en de groetste epidemie
de kleinste en de groetste beeving
alles keump vaan häör
en de wèts neet, keump d'r nog mie

Stèlste diech de vraog boeveur en veurwat?
Jao,
't waor eus doen en laote dat leidde tot dee groete pieneleke sjaakmat

<<   Trök nao d’n Inhaajd

© Jef Franssen 2014
HomeSouvenir ShopNew ArrivalsRLE ictMailboxEnglish SectionGreeting CardsDutch SectionSitemapDonations