Mestreechs Heukske
De Verloore Weeg
Gesjreve door Jef Franssen
Altied en altied waor 't de mins dee op de verkierde weeg verbleef
In al zien leevens leep heer 'ne zwoer krunkelege, modderege weeg
In al die leevens waor 't Slevenier dee altied en altied zweeg
Plant, bies en stein leepe hunne weeg moorzieleg allein
Dee weeg gaof niemes verdreet en pijn
Hun verdreet en pijn waor aon de mins te wiete
Plant, bies en stein wouw heer noets beminne es zien gelieke
Dee zwoer krunkelege, modderege weeg moot de mins verlaote
Ierlekheid zal de mins in zien hart mote sleete
De leuge en 't bedrog veur altied vergeete
Dwinge, gehoerzame, al zien gebode en verbode oetveege
hielemaol oetveege
In 't noe vaan deze tied wèlt Slevenier neet mie zwiege
De mins geit "Zien Rekening" geprizzenteerd kriege
Slevenier zal dees Eerd vaan de leuge en 't bedrog bevrije
D'n euvergebleeve mins zal de weeg nao Ierlekheid mote inwije
© Jef Franssen 2014