Mestreechs Heukske



Val Dieu

'n Besjermde Plaots

Gesjreve en geïllustreerd door Jef Franssen
D'r is 'n dal en 'n kloester neet wied vaan Mestreech
Dat dal en kloester brink bij de lui hiel väöl teweeg

Lang lang geleie mós de mins um dat kloester te bouwe
mèt hiel väöl zwoer stein sjouwe
D'n tied is daor stèl blieve stoon
Häör sjoenheit is altied gebleeve
In plant bies en stein verweeve
Allein eeder leeve vaan de mins mós weier goon

De gejaogde mins van noe hoof d'r gein deukskes um te winde
In dat kloester kin heer zien rös weer trök vinde
Bij good of slech weer
D'r is ummertouw veur häöm un good glaas beer
De lach vaan Leon en Michel kinste vaan wiedaof hure
Hun grepkes lègke diech dèks in de lure
Meh dee lach
Gief ouch väöl lui nuij krach

Slevenier is euver dat dal blieve waake
De mins kós häör noets heevig raake
In dee kloesterhoof is alle harmonie en balans
De veugelkes höbbe daor eedere elke kans

De lui höbbe 't altied al geweete
Heer heet ziene naom aon dat dal gegeeve
Daomèt is ouch bekans alles zoe gebleeve

De mins dee in dat dal maag woene en wèrke
Zal zien mach en zien krach dèks mèrke

<<   Trök nao d’n Inhaajd

© Jef Franssen 2012
HomeSouvenir ShopNew ArrivalsRLE ictMailboxEnglish SectionGreeting CardsDutch SectionSitemapDonations