Mestreechs Heukske



De Optèlsom

D'n tied vaan de käös

Gesjreve en geïllustreerd door Jef Franssen

D'r kump 'ne tied
daan is de mins zien mach op dees Eerd hielemaol kwiet
Deen tied is neet mie wied

D'n tied vaan de käös, die väöle leevens, is verloupe
De leuge kin zoe astrein niemes mie aon ziene God verkoupe

Eder, elk leeve vaan de mins, 'ne kruusweeg
Heer mós kruusege edere, elke "zucht"
Meh 't waor de "zucht" die in elk, eder leeve bij häöm bleef

Noets meh daan ouch noets wouw de mins mèt zien "zuchten" vechte
Door neet te vechte leet de mins ziech door de "zuchten" knechte

Al die verborge "zuchten", 'n groete zwoer optèlsom
De mins zien handele woort 'n gevierleke, vernietigende bom

De "zuchten" ginge mèt de mins wandele
Zie besteumde zien gans dinke en handele

De vloed vaan "zuchten" drejjt 't tij
De mins verluis veur altied op dees Eerd de hiersjappij

D'r waor gein aander oplossing
Veur plant bies en stein de Verlossing

't Waor Slevenier dee daan ouch neet mie zweeg
Dees Eerd weurt veur altied vaan väöl ziele mins leeg

D'n euvergebleeve mins zal plant bies en stein mote leef höbbe
es zien gelieke
De Wèt "bemin edere naoste geliek diech zelf" maag vaan zien zij
noets mie wieke

Nog mer einige leevens geit d'n euvergebleeve mins ontvaange
't Twiede en lèste oordeil hèlt us allemaol gevaange

't Book mins ligk nog ummertouw oope
Meh 't kin ouch veur altied weure gesloote



<<   Trök nao d’n Inhaajd
© Jef Franssen 2014
HomeSouvenir ShopNew ArrivalsRLE ictMailboxEnglish SectionGreeting CardsDutch SectionSitemapDonations