Ouch al is 't leeve vaan de mins nog zoe kort
heer moot prebere te vinde de veur häöm gesjikte liechameleke sport
Ouch al doort dat leeve mer eeve
Beweege is un deil vaan dat leeve
Good beweege, is nao zien jäog neet gedoon
't is un leeve laank un belaankriek deil vaan zien bestoon
In sportief beweege, zouw de mins de sjoenheid kinne vinde
Oet die sjoenheid weurt altied get groets nuij geboore
Meh echte sjoenheid heet bei de mins hiel dèks verloore
Ouch in de sport zouw de mins nao sjoenheid kinne griepe
Meh die sterke mach geld leet häöm aandere metse sliepe
Force geld toent altied unne valse lach
Kom in häör mach en de betaols 't gelag
Win en 't geld käömp nao diech touw
Verleer en de mós passe unne aandere mouw
De lèste marathon is zoe astrein veur ederein geloupe
De mach vaan 't gedrökte geld aofgeloupe
In de stad Olympia is gein winne of verleere
In die stad is gein inkel gewin
Sjoenheid vaan beweege dat moot de mins in Olympia veriere
Allein sjoenheid kin de mins nog bekiere
In Olympia is de mins noets allein
Is gein traon en is ouch gein pijn
