Mestreechs Heukske
DIE NACH
Getoend aon Jef Franssen
Opgesjreve door Jef Franssen
Neet lang geleie höb iech 'ne druim gehad
De mins woort door Slevenier op zien plaots gezat
De pijn vaan plant bies en stein höb iech toen geveuld
Iech zaog väöl land door water euverspeuld
Väöl land zaog iech oondergoon
Nuij land zaog iech opstoon
Die nach hoort iech hiel väöl gesjriew en geween
Die nach höb iech väöl gezeen
Die nach zaog iech väöl verdreet en pijn
Die nach waor de mins nog mer hiel klein
Die nach zaog iech de wraak vaan euze God
De mins heet gesjonde 't einegste Gebod
Väöle mochte op dees Eerd noets mie verblieve
In al hun leeves wouwe zie de leuge veriere
Twie aw volkere waore aon de leuge neet bezweeke
Hunne tied is nog neet verstreeke
Die nach zaog iech de Mach vaan Slevenier
Die nach hoort iech de sjriew vaan väöle veur de lèste kier
Iech zaog
D'n euvergebleeve mins moot plant bies en stein leefhöbbe
zoonder dwinge
Wat iech neet zaog
Wèlt de mins die taak volbringe ?
© Jef Franssen 2016
