De mins heet d'r noets aon gedach
in al zien leevens heet de leuge altied op häöm gewach
Bij keuning democratie kreeg de leuge eedere elke mach
De "zucht" vaan de leuge ging euver lieke
Allein, ze leet dat noets blieke
't Water vaan de "zucht" waor altied 'n deepe rimpelloze Zie
De zuchte verborge ziech in häör water
Wienege koome dao noe nog oet gekroope
wel mèt 'ne flinke kater
Väöle, zier väöle zien verdroonke
De klok tied heet veur die väöle veur de lèste kier gekloonke
Bij keuning democratie is Ierlekheid gestorve
Alle rechte heet heer ziech verworve
't Gewaad vaan de verberger aongetrokke
Ierlekheid is vertrokke
Dee keuning bezit 'n door häöm oetgezeukte kaste
Die kaste is de eigeneer vaan alle wètte, regels en laste
In al die leevens waor Ierlekheid noets hunne kompanjon
't Waor de leuge die altied won
Geluive mós hun eedere mins
Keuning democratie ziene oetdrökkeleke wins
Noets heet de mins ziech tege de leuge verweerd
Väöle naoste in väöle leevens dujelek geblèsseerd
Ierlekheid waor de mins zien achilleshiel
De leuge geit noe ten oonder mèt väöl gesjriew
De leuge wouw de Wèt vaan Slevenier versjäöre
Hiel väöl geit in deze tied daan ouch gebäöre