Drei hoonderd jaor geleie kaom oet 't water vaan de oceaan
'n groet moonster nao Amerika gekroope
Dat moonster heet d'n Indiaan alles genoome
Z'n gruutsegheid, z'n vrijheid alles waor veur häöm verloore
D'n Amerikaan woort toen geboore
Hoonderdvieftig jaor geleie vermaorde dee Amerikaan de lèste Indiaan
Heer kaom vaan euver de oceaan
Heer wouw ummertouw en altied mer mie en mie
Heer woort d'n oonderdaan vaan Keuning "Democratie"
Plant bies en stein ging heer gebruke
Plant bies en stein ging heer verbruke
Plant bies en stein ging heer misbruke
De Wèt: "de zals eedere naoste beminne wie diech zelf"
waor aon häöm neet besteid
Heer had 'ne aandere God gewijd
D'n allerlèste Indiaan leep 'ne hoege berg op
Vroog aon ziene God nao 't Gerechtegheids Gebod
Meh ouch d'n Indiaan kós ziech dat Gebod nog neet verwerve
De moos eedere "zucht", eedere leuge in diech laote sterve
Daan zalste Gerechtegheid veur altied erve
Plant bies en stein zien noe nog in minsehan gevaange
Astrein goon zie vrijheid en riekdom oontvaange
Veur hun is 't kriege vaan Gerechtegheid
nog mer 'n kleinegheid