Mestreechs Heukske



't BOOK

Gesjreve en geïllustreerd door Jef Franssen

Lang, hiel lang geleie woort 'n prachteg, blinketeg Book gesjreeve
De symboliek waor in dat Book hielemaol verweeve
'ne Aandere wereld had dat Book aon de mins gegeeve

'ne Slouwe keuning heet al in 't begin de rechte vaan dat Book gestoole
Väöl woort door häöm oet dat Book weggenoome

Väöl keuninge nao häöm wouwe hunne naom op de kaf kerve
Ouch zie wouwe ziech die rechte verwerve

't Speul um dat Book ging toen beginne
De mins lierde 'n vals Book kinne

Eedere keuning ging 'ne gok waage
Woerheid woort verslaage
De mins ging dwaale

Dat prachteg, blinketeg Book is noe gans vermassekreerd
Häöre glans hielemaol verweerd

Niemes zal dat Book noe nog begriepe
De woerheid had 't naokieke

Dat aajd versleete Book heet noe verloore eedere prach en glans
Meh toch, d'n euvergebleeve mins krijg nog eine kans

Kort, hiel kort geleie is 'n prachteg, blinketeg nuij Book gesjreeve
De symboliek is in dat Book weer hielemaol verweeve
'n Sjrijfster oet dees wereld heet dat Book aon us gegeeve
Die echte aw vergeete kinnes kump de mins noe weer te weete
Meh väöle, zier väöle zalle veur dat Book noets keeze
Wienege, zier zier wienege zölle dat nuij prachteg,
blinketeg Book wèlle leeze


<<   Trök nao d’n Inhaajd
© Jef Franssen 2014
HomeSouvenir ShopNew ArrivalsRLE ictMailboxEnglish SectionGreeting CardsDutch SectionSitemapDonations