De mins heet altied nao unne keuning gezoch
Toen heer keuning Democratie voont waor heer hielemaol verkoch
Ouch al sjoonk dee keuning wel uns un glaas valse wien
of maolde heer lui fien
Heer waor d'r vaan euvertuig dat ziene keuning noets luig
Väöl keuninge heet de mins verierd
Meh vaan keuning Democratie heet heer 't mieste gelierd
Noets deeg dee get verkierd
Want dee keuning heet häöm zien gedrökte geld gegeeve
Dat groete gesjeenk is häöm altied bijgebleeve
Zoonder keuning Democratie kin de mins neet mie leeve
Wee mót häöm daan zekerheid geeve
Zoonder dee keuning, zou Anarchie euver häöm koome
Zien geld woort daan genoome
Op de sjrik vaan Anarchie bouw iech mien mach
heet dee keuning Democratie gedach
Keuning Democratie heet noe un hiel groet leeger knechte
Meh die knechte leete weer aandere veur ziech vechte
Dat groet leeger is altied gebleeve
De mins dee ech wou wèrke, dee is verdweene
Heer is neet mie hei of dreug noe ouch de knechtepij
Keuning Democratie bedeende ederein op zien winke
Gaof edere mins zien verkierd dinke
In 'n nèt vaan wette en regels woort de mèt zien han wèrkende mins gevaange
Dee keuning en zien leeger knechte mós heer altied betaole
Heer mós hun laote vergeete al hun kwaole
Anarchie
Is de gedachte,
Zoonder dwinge
Zoonder regels en zoonder wette
Zoonder lui met die hoeg pette.
Anarchie kin wachte
De mins krijg noe nog eine groete kans
De mach vaan 't gedrökte geld is zoe metein verdweene
Dee keuning en zien leeger knechte zien daan veur häöm gein zeege
Anarchie is nog gebleeve
Kin de mins 't tij nog kiere
D'n tied zal 't liere