Mestreechs Heukske



Verandering

De weeg dee de mins volgde

Gesjreve door Jef Franssen

In al zien leevens heet de mins altied gedach
niemes heet miech oets in veilege haave gebrach

Mesjiens heet Slevenier miech vergeete
Mesjiens heet heer 't ouch neet mie geweete

Inderdaod,
Slevenier heet in al die leevens noets nao de mins gekeeke
Meh toch, heer waor häöm neet vergeete

In gein inkel leeve wouw heer ingriepe
Elk gesjaopene moot zien eige metse sliepe

In al die leeves die us woorte gegeeve
brach elke verandering us ummertouw nog weier vaan hoes
Woorte veer nog mie nao dee valse weeg gedreeve
Noets mie gevoonde 'n veilig tehoes

Harmonie en ballans in us daogeleks doen en laote
heet us vendaog d'n daag hielemaol verlaote

Mèt elke verandering wouw de mins, ummertouw sterker,
de ganse mach euver dees planeet griepe
Plant bies en stein stoonte mèt ouge vol traone te kieke
Geine mins dee aon hun dach
Niemes heet hun oets in veilege haave gebrach

't Oordeil vaan euze God geit euver de vraog
Welke verandering höbbe veer us oetgezoch
Aon wee höbbe veer us verkoch
Nao welke kant bewoog us waog
Nao links of nao rechs, dat is die groete vraog

<<   Trök nao d’n Inhaajd

© Jef Franssen 2013
HomeSouvenir ShopNew ArrivalsRLE ictMailboxEnglish SectionGreeting CardsDutch SectionSitemapDonations