'ne Oonbekinde minse-wereld Gesjreve door Jef Franssen
Altied en ummertouw zien alle aw en ouch zier aw Gesjrifte
in de symboliek gesjreve
Symboliek is aon geine eine tied geboonde
Lang geleie zien oongesjonde aw, zier aw Gesjrifte gevoonde
Es de Nag Hammadi Gesjrifte bekind
Die Gesjrifte zien door gein minse-hand gesjend
Ouch neet door de sjrifgelierde,
veur die Gesjrifte de gevaarlekste opponent
De symboliek is in de Nag Hammadi Gesjrifte vasgekloonke
De mins waor en is nog altied
door de gesjrifte vaan de sjrifgelierde verblind
De aw Gesjrifte aongereik door 'ne aandere wereld,
de Anu wereld, góng de sjrifgelierde explicere
De sjrifgelierde heet de mins werkelekheids figure goon geve
De leuge woort door dee gelierde in eder book vaan häöm gesjreve
Door häöm woort d'r 'ne tied aongegeve
Heer góng ziene biebel docere
Mie daan hoonderd viefteg jaor geleie loejde op dees eerd de bel,
veur de lèste runde, veur de lèste kier
Zien doen en laote wouw de mins nog ummertouw versteke
De leuge wouw heer nog ummertouw verberge
Mie daan hoonderd viefteg jaor geleie mós de mins
'ne aonvaank make ziech de "Aleinege Wèt" te wèlle verwerve
De oetdrökkeleke, eisende Wèl vaan Slevenier
D'n ierste tied leep nao zien ind
D'n tied vaan de lèste käös begós... en begint
Mie daan hoonderd viefteg jaor geleie gónge groete ziele mins
oet 'ne aandere minse-wereld de mins vaan dees planeet bijstoon
'n Hölp um 'ne gans aandere, door de naoste gedrage weeg, op te goon
'n Hölp um vaan al die gesjreve blaajer vaan de sjrifgelierde te weure verlos
'n Hölp um 'n gans nui technologische riechting in te sloon
't Waor dee aandere minse-wereld,
dee heel de mins vaan hei nog euverind
In de aw Gesjrifte is dee aandere mins es reus besjreve
De reuze, zie höbbe de mins mie daan hoonderd viefteg jaor geleie
'ne aonvaank vaan gans aandere technologie en
vaan gans aandere chemie gegeve
De aon de mins aongereikte kinnes vaan de reuze,
vaan hun werkeleke kinnes mer 'n klein copie
Es groete, machtege reuze zouw de mins die ziele mins zien
De reuze besjreve door de sjrifgelierde,
zoe höbbe ze en zalle ze noets oetzien
Reuze bezitte 'n zier biezunder groets, mathematisch dinke
Superieur aon standaard minse-dinke
Aon 't water vaan de "zuchte" zalle zie zier wieneg drinke
'ne Beperkde tied zalle zie same mèt 'n Mach oet de wereld vaan de Machte
op dees planeet woene
'ne Korte tied zalle zie same mèt 'n Mach oet de wereld vaan de Machte
op dees planeet hun superieur reuze-dinke toene
De reuze-wereld superieur aon de minse-wereld vaan hei
De reuze wereld is weer neet mèt 'n Mach te vergelieke
'n Mach heet gein gelieke
De minse-wereld woort 'n wieneg mèt de technologische kinnes
vaan de reuze bekleit
De getoende weeg vaan de reuze nao de naoste,
plant bies stein en denende mins,
waor aon de mieste lui neet besteid
In d'n tied vaan die hoonderd viefteg jaor is d'n technische veuroetgaank
door de mins altied verkierd gebruuk
De groete samehaangk vaan 't universum vaan 't minsekeend
wouw de mins vaan hei neet zien
Wouw neet trök en noets veuroetzien
Leefde nao de naoste, plant bies stein en denende mins, is noets gevörmp
Hun lèste nog euverind staond bastion weurt noe bestörmp
Gedrök geld leet de mins ummertouw beslisse
Väöl kinnes vaan de reuze is heer goon misbruke
Sjoenegheid kós heer ouch misse
't Minsekeend op dees Eerd steit op 't punt
't gevech met de "zuchte" te verlere
't Minsekeend op dees Eerd steit op 't punt
ziene naoste, plant bies stein en denende mins,
duujelek te blèssere
't Minsekeend op dees Eerd steit op 't punt
ziech veur sjoenegheid te genere
't Minsekeend steit op 't punt
veur dees sjöpping Eerd neet mie te functionnere
De lèste hoonderd viefteg jaor is de gif vaan de Wereld vaan de Machte
euver de mins op dees Eerd allein mer touwgenome
Väöl ziele mins weure daan ouch veur altied
door Slevenier vaan dees Eerd weggenome
Same mèt 'n Mach oet Slevenier ziene Wereld,
same mèt groete ziele oet de reuze-wereld,
same mèt d'n euvergebleve mins
zal de mach
op dees Eerd door " 't Elkander " weure euvergenome