Mestreechs Heukske



PALMZOONDAG

De woere beteikenis

Gesjreve en geïllustreerd door Jef Franssen

't Zaod vaan de "Zucht" wejde euver dees planeet
't Waor de mins dee daor gretig nao keek

Väöle wouwe de weeg vaan de "Zucht" insloon
'n Vreiselek bies ging oontstoon

De "Zucht" deeg häör wèrk
Väöle drage noe häör mèrk

Dat vreiseleke bies, de mins kós neet mie zoonder

't Wereld toneel geit noe ten oonder mèt versjrikkelek gekrakeel
Väöl gesjriew en väöl geween
De mins hoop nog op 'n woonder
Meh alles geit aon dee chaos ten oonder

Toen in de minsewereld
Ierlekheid, Vrijheid, Sjoenegheid en Zelfstandegheid
définitief hadde verloore
Satan "Zucht" in groetsheid waor geboore
daan dreijt de minsewereld neet mie door
daan keump de mach vaan de mins aon zien ind

Die mach
heet veur elke naoste allein mer de traon gebrach

De ziel mins,
gevalle veur dat vreiseleke bies,
zal op dees Eerd neet mie weier goon

'n Veur de mins oonbekinde Macht weurt groets bekind
'ne Nuije tied zoonder de mach vaan de mins begint

PALMZOONDAG

De intrejjing vaan de Wereld vaan De Machten op dees Eerd

De Wereld vaan de Machten,
de Goddeleke wereld, de wereld vaan Slevenier
deit op dees eerd zien intrejje

In deze tied zal allein hun Macht optrejje
Vaanaof d'n tied vaan noe is de Wereld vaan de Machten
op dees eerd aonwezeg, ummertouw present

De mach vaan de mins veur altied aofwezeg
Allein nog mèt d'n oondergaank bezeg

De Wereld vaan de Machten zal euver de mins oordeile
Fèl sleeg oetdeile

Die väöle gemèrkte door dat vreiseleke bies, ze zien veur altied verslage
Dees Eerd zal ze noets mie hove te verdrage

Allein de Wereld vaan de Machten wèt boe 't veur elke ziel mins
opoet zal drejje
De mach vaan de mins had väöl lakejje

Plant bies en stein moote 'ne nuije mins goon zien
'ne Mins dee hun altied zal oontzien
'ne Mins dee veur elke naoste leefdevol zal zien
Ierlekheid, Vrijheid, Sjoenegheid en Zelfstandegheid
zal hiel hoeg in zien veendel moote stoon
Satan "Zucht" moot heer versloon

De nuij geboore mins zal 'ne gans aandere weeg insloon


Die Nach  >>
<<   Trök nao d’n Inhaajd
© Jef Franssen 2016
HomeSouvenir ShopNew ArrivalsRLE ictMailboxEnglish SectionGreeting CardsDutch SectionSitemapDonations