Mestreechs Heukske



't LEECH

Gesjreve door Jef Franssen

'n Groet, imposant hoes, d'r brande väöl Leech
'ne Steile trap, 'n zwoer iezere deur
Gèt versperde de weeg
'n Groet, imposant hoes nog hielemaol leeg

Op de deur zit 'n zwoer iezere sloot
Ierlekheid beslis of die zwoer iezere deur ope geit
Ierlekheid beslis of de levens op dees Eerd doorgoon
Aon de verlokking vaan de leuge höbbe ziech väöle euver gegeeve
't Ind vaan väöle op dees Planeet

Kóste Slevenier nao 'n leeve nog betaole,
toch is die zwoer iezere deur mesjiens op sloot
De leuge höbste in d'n tied vaan de käös neet gans wèlle verleere
De wouws d'ch mèt de leuge arrangere
Daan is verdwene dien klein veursjoot

'n Groet, imposant hoes, d'r brande väöl Leech
'ne Steile trap, 'n zwoer iezere deur
Gèt versperde de weeg
'n Groet, imposant hoes nog hielemaol leeg

D'n tied weurt veur ederein zier krap
De zeuktoch nao 't Leech, 'ne meujeleke zwoere toch
'ne Lange, smalle, krunkelege weeg leit nao dee steile trap
Op dee lange, smalle, krunkelege weeg höbbe al väöle
hun ziel vaan d'n oersprunk verkoch

Veur die ziel die 't Leech vaan de Ierlekheid in fèlheid wèlt vinde
weurt die zwoer iezere deur ope gedoon
Door dat Leech zal de leuge ziech aon die ziel
noets mie kinne vasbinde
Dat Leech blijf altied branne
De ziel opweeg nao 't Elkander Deenend Land
umgeve door 'n sterke, besjermende hand

't Ind vaan d'n tied vaan de käös is in ziech
Biste neet veur de leuge gezwiech
Zeukste nao Ierlekheid
Luuster nao de kemissie vaan dit klein gediech

De zuus zoe metein 'ne breie, rechte weeg
Aon 't ind steit dat groet, imposant hoes
Dao brant 't volle, straolende Leech vaan Ierlekheid
Bij de steile trap verspert niks de weeg

Volg dee breie, rechte weeg

Dat zwoer iezere sloot zal ope goon
Die zwoer iezere deur blijf ope stoon

Dao… dat groete, imposante, straolende hoes, noets mie leeg

De ziele in dat groete, imposante, straolende hoes zien allemaol geliek
Veur Slevenier hiel riek


<<   Trök nao d’n Inhaajd

© Jef Franssen 2017
HomeSouvenir ShopNew ArrivalsRLE ictMailboxEnglish SectionGreeting CardsDutch SectionSitemapDonations