Mestreechs Heukske
De Krises
Wereldnuits dat steit te gebäöre
Gesjreve en geïllustreerd door Jef Franssen
Un oetvinding vaan vieftig jaor geleie
Noe kós de mins van hei un nuij leeve leie
Heer drökte mèt väöl geweld zien eige geld
Ederein woort ambteneer of ging veur altied ruste
En ederein gaof zich euver aon die nuij luste
De mins vaan hei woort hoeg opgeleid
Mèt dien han wèrke dat woort hielemaol vermijd
Op us sjaole woort de jonge mins alles euver "speed" gelierd
Want in zien dinke waor dee mins al hiel hiel wied
Ut gebrabbel vaan de hoeg opgeleide kós niemand mie verstoon
Meh ederein leet häöm toch mer begoon
De chinees ging daag en nach veur us wèrke
De mach vaan us gedrökte geld, leete veer häöm good mèrke
Obbins kreeg dee chinees in de gaate
Veur wee bin iech dat eigelek aon ut maake
Wat häöb iech gekreege
Al dat digitaale en papiere geld, veur wee is dat un zeege
Noe stoon veer allemaol in de kaw
Niemand wèt, boe nao touw
Mèt de mach vaan us gedrökte geld is ut gedoon
Wee gief us noe, un nuij bestoon
© Jef Franssen 2011
