De kojts vaan al d'n minseleevens leep ummertouw
euver 'ne krunkelege, bótsende weeg
't Waor Slevenier dee neet keek
't Waor Slevenier dee altied zweeg
De gordijne vaan die kojts mote altied opestoon
De mins maag ze noets höbbe touwgedoon 'n Groet en zwoer Gebod vaan d'ne God !
In d'n tied vaan noe heet de mins
die gordijne bekans gans gesloote
De verberger in de mins is opgestande
't Leech nao elke, eedere naoste oetgedoon
De leuge en valse compassie woorte ziene gezèl
'n Zwoer en steeds groeter weurdent gezwel
Niemes trok aon de bel
Geine inkele mins wouw ziech teege "keuning democracy" verweere
Gein inkel minseriek kós de leuge zoe good dikteere
Al hiel lang weurt eedere brand door dee keuning aongestooke
Al hiel lang is Ierlekheid en Trouw aofgebrooke
Al hiel lang weure drei groete Mathematische Wètte geminach
Geliekheid, Vrijheid, Sjoenegheid
De geliekheid vaan de mins:
heer veult ziech de baas euver ziene naoste, plant bies en stein
De vrijheid vaan de mins:
alles heet mèt "U dient en U moet" te maake
De sjoenegheid vaan de mins:
'n jeans brook mèt gesnooje gaate
De kojts vaan al d'n minseleevens läöp nog ummertouw
euver 'ne krunkelege, bótsende weeg
Meh d'n ierste tied is verstreeke
't Is Slevenier dee noe zal kieke
't Is Slevenier dee neet mie zal zwiege
Al die släöfkes vaan "keuning democracy"
steit zoe metein 'n zwoer oordeil te wachte
'n Aander, neet deenende eerd mote ze goon pachte
Euver die neet deenende eerdes gaon zie dwaole
De pach euver dees eerd kóste zie hunne God neet mie betaole
't Romeinse keizerriek ging aon 'n volksversjuiving ten gronde
"Satan democracy" geit ziech aon dezelfde versjuiving duujelek verwonde
't Ind vaan 't riek vaan de zonde
De Zondeval
Die slaove die door hun eige "zuchten" zien verzwolge...
Die kojts zal häöre weeg noets mie vervolge
Die kojts bleif veur altied stèl stoon
De kojts vaan dee mins dee ziene naoste, plant bies en stein,
nog wèlt zeuke
nog wèlt vinde
nog wèlt beminne
de kojts vaan dee mins maag op dees eerd nog doorgoon