Ooneindig väöl werelden heet Slevenier gesjaope.
Allein al de wereld vaan 't minsekeend besteit oet väöl versjèllende eerdes,
is veur de mins ooneindig.
Eeder gesjaopene, gesjaope in 't vas staonde.
Mins bleif altied mins, boum altied boum, liew altied liew,
stein altied stein.
Geine inkele wereld kin opgoon of 'n deil zien vaan 'ne aandere wereld.
Allein de wereld vaan de Anu kós in 'ne aandere wereld kieke en
'n wienig stuure.
De wereld vaan de Anu gaof us de aw, zier aw Gesjrifte.
Zie wouw us liere; de mins vervörmde, wèlde neet begriepe.

In de wereld vaan de mins is alles gesjaope door leechsnelheid.
Dee brink in euze wereld alles te weeg.
De mins dach dat heer die snelheid kós meete.
Dat getal, heer kós 't neet weete, is 'n trillingsgetal.
De echte kinnes euver leechsnelheid keump heer noets te weete.

Leech, 'n krach, is 't eigendom vaan 'n hiel groete Mach.
De naom vaan die groete Mach: Geboorte.
Zie herbergt ouch in ziech, krach doed.
In d'n aonvaank in 't begin mós in de wereld vaan de mins de stein
es ierste de Wèt vinde.
Vind de stein neet, daan deit Mach Geboorte 't leech oet.
Die eerd geit daan doed, veer kinne ze es zwarte gaate.

Mer eine mins waor Slevenier op 't spoor.
Zien groetste oontdekking: "Gott würfelt nicht".
Albert Einstein wis: tied is relatief.
't Is Slevenier dee d'n echte Tied gief.
Meh ouch Einstein verloor in de wereld vaan de mins.

De wereld vaan de Machte, de Goddeleke wereld, bezit eedere mach.
Niemes kin häör raake!
Zie liet oonstoon en es de Wèt neet weurt gevoonde, ouch weer vergoon.
De wereld vaan de Machte, veur eedere mins 'n aofgesloote deur.
De mins moot neet prebere häör te oontdèkke.
De bekwaomheid en de kinnes heet heer daor neet veur.

In veurtsjreidende tied heet de te maake käös 't einsegste gewiech.
Zeuk nao d'ne naoste, veur eeder gesjaopene de groetste pliech.

In leechsnelheid is eedere tied en ouch d'n echte Tied besloote.
Welke Tied oet krach leechsnelheid door Mach Geboorte zal oontstoon?
De käös beslis wee en wat veur altied "IS" !!