In 't begin waor 't woord en 't woord waor bij God
In 't begin waore alle ziele vaan plant bies stein en mins geliek
Allemaol eve riek
Al die ziele ginge op weeg,
woorte aongevalle door 't brannend vuur
vaan väöle "zuchte"
't Gevech mèt de "zucht" is door zier, zier väöl ziele mins verloore
De "zucht" woort zien eigendom
Noe, nao al die doezende jaore is door de mins
'n zwoer, groete huifkaar gans mèt "zuchte" gevöld
Door Slevenier weurt 'n gevölde huifkaar
mer veur 'ne zier korte tied gedöld
Um de Wèt te vinde heet plant bies stein en mins
'ne beperkde tied, d'n tied vaan de käös, gekrege
In d'n tied vaan noe is d'n tied vaan de käös verstreke
't Waor 't Bies dee die zwoer huifkaar vaan de mins
door d'n tied, d'n tied vaan de käös, heet wèlle trèkke
Zoonder die groete leefde vaan 't Bies zouw de mins
neet door d'n tied vaan de käös höbbe kinne kaome
Daan had 't minse-keend allang geleie
vaan dees planeet mote vertrèkke
't Bies heet veur de mins ummertouw alles gedoon
De mins heet 't Bies allein mer leid aongedoon
Door die groete leefde vaan 't Bies nao de mins
leet Slevenier 't Bies begoon
Leet Heer die zwoer gevölde kaar nog 'ne tied langer goon
Noe, nao al die doezende jaore
weurt 't Ierste Oordeil door Häöm voltrokke
Zoonder 't werk vaan 't Bies waor de mins door Slevenier
op dees eerd allang weggenoome
Zien plaots door 'n aander creatie ingenoome
De groete leefde vaan 't Bies deeg Slevenier aanders beslete
Heer wouw 't Bies neet nog groeter, nog mie verdrete
Wieneg lui zal Slevenier op dees Eerd
mèt 'n volgend leeve beloene
D'n euvergebleeve mins zal zoe metein 'ne gans aandere wèl
nao 't Bies en edere naoste mote toene
In zier groete harmonie zal dee euvergebleeve mins
mèt 't Bies en edere naoste op dees Eerd mote wèlle samewoene
Aon de "Aleinege Wèt" zal heer in fèlheid mote voldoen
Vrijheid Zelfstandegheid Sjoenegheid mote groets mètdoen
Die huifkaar zal veur gesjinke veur edere naoste mote dene
Mèt zien hart zal de mins mote wèlle geve
'n Plaots op dees Eerd zal d'n euvergebleeve mins
ziech nog mote verdene
Zoe'ne lange, lange tied heet heer ziene zier, zier leefdevolle,
alles gevende naoste moodwèlleg vergete
