In de wereld vaan Slevenier,
de Goddeleke Wereld de Wereld vaan de Machten,
is hierarchie groet gesjreeve
In de wereld vaan de mins höbbe väöle "zuchten"
häöm 'ne gans aandere weeg in gedreeve
De woere beteikenis vaan 't woord hierarchie kin heer neet mie vatte
De mins wouw 't ouch neet mie snappe
De mins heet hierarchie door structuur vervaange
Same mèt keuning democratie is heer 'ne gans aandere weeg ingeslage
In de natuur waor noets structuur
In de natuur is altied hierarchie
De weeg nao hierarchie heet ouch plant bies en stein in zweurte aofgelag
Zie höbbe de "Aleinege Wèt" in de natuur vasgelag
"Het Elkander"
De structuur vaan de minse-mach heet in de natuur hiel väöl verrinneweerd
De hierarchie vaan plant bies en stein noets gerespecteerd
Mèt de voes vaan drei Machten Vrijheid, Zelfstandegheid, Sjoenegheid,
'n voes vol vaan colère en vraak,
weurt de mins noe in fèlheid geconfronteerd
In structuur weure mieljoene wètte aonbeid
De aondach vaan hierarchie gans aofgeleid
De priester in de mins zal altied nui structure bedinke
'n Groet regimint priesters weurt eder jaor obbenuits geboore
Aon 't water vaan väöle "zuchten" zalle zie drinke
Hun nui oetgevoonde wétte kinne zie de mins gemekelek insjinke
Structure weure veranderd of verdwaole
Door die structure weurt väöl fien gemaole
Hierarchie heet in de minse-wereld duujelek verloore
De Wereld vaan Slevenier,
de Goddeleke Wereld de Wereld vaan de Machten,
is gevestegd op hierarchie
In elke wereld zal hierarchie 't fóndemint mote zien
Hierarchie is veur elk gesjaopene 't aleinege instrumint
Door de groetste Mathematische Wèt weurt hierarchie gedrage
In hierarchie is 't aller aller kleinste eve groet als 't aller aller groetste
en 't aller aller groetste eve klein als 't aller aller kleinste
In hierarchie is eine dao veur ederein en ederein is dao veur eine
De weeg nao de "Aleinege Wèt" kin allein door hierarchie weure ingeslage
In de wereld vaan hierarchie is gein inkel gehoerzame,
is gein inkel dwinge
Vrijheid Zelfstandegheid Sjoenegheid
liet ziech noets mèt dwinge en gehoerzame verminge
D'n dreihook 't stèrkste fóndemint
toent de wèl vaan " 't Elkander " de aleinege pliech De Drei, Zien Getal
't Symbool vaan d'n dreihook toent zien geziech
Alle ziele vaan de Goddeleke Wereld drage deen dreihook,
De "Aleinege Wèt" zal allein in hierarchie gestalte kinne kriege
Hierarchie zal ouch 't fóndemint mote weure vaan 't minse-hielal
Rieke weure in hierarchie noets gestiech
D'n dreihook vaan hierarchie blijf altied rechop stoon
Structure höbbe noets mètgedoon
'ne Nuie tied vingk aon
d'n Awwe tied geit zwiege
De priester in de mins zal same mèt de aw eerd
en zien regimint slaove ten oondergoon
'n Nui taofel eerd zal zoe metein opstoon
'n Klein, oetverkore volk zal aon die nui taofel mage aonzitte
Oetverkore is de mins dee nao väöle leevens
neet aon 'n "zucht" wouw vaszitte
Allein de wèrkende en doende mins zal op 't ind vaan 'n leeve
aon de maotsjappij leiing en sturing mage en kinne geeve
De hierarchie vaan zier aw Germaanse Gesjiedenis
De Raod der Ajdste
In 't aovendroed vaan zien leeve zal heer,
door Krach Tied bestump, zien plaots innumme
De mins kin neet veur- of tege häöm stumme
In d'n aonvaank vaan de aoftelègke weeg nao minse-hierarchie
moot d'n euvergebleeve mins goon liere same te wèrke
zoonder gehoerzame en dwinge
in ierlekheid en vertrouwe
't Hoes vaan hierarchie is neet gemekelek te bouwe
Um hierarchie te vinde zal edere mins fèl mote vechte
Structuur heet ouch bij d'n euvergebleeve mins nog altied väöl knechte
