Mestreechs Heukske
HERDINKING
Gesjreve en geïllustreerd door Jef Franssen
In 't jaor 2014 weurt de groete oorlog vaan hoonderd jaor geleie herdach
De valse traon weurt daan fèl getoend
Nog altied is de mins in de han vaan die valse mach
Nog altied weurt de leuge beloend
Nog altied zien de sireenes blieve loeje
Nog altied steit de wereld in brand
Nog altied zien väöle vlöchteling
Nog altied zeuk die valse mach nao häör gewin
De leuge kós de mins mer neet verfoeije
Veur väöle 'ne te zwoere, hoege wand
Vaan "Ierlekheid" heet de mins noets get gelierd
Väöl, hiel väöl ging daodoor verkierd
De mins vaan noe moot veur zien eige deur goon keere
Aanders dreig heer de lèste oorlog te verleere
Mesjiens zal de mins dee lèste groete oorlog nog winne
Mesjiens, 't zou nog kinne ………
© Jef Franssen 2014