Mestreechs Heukske
Harmonie
'n Gebod !
Gesjreve door Jef Franssen
De mins op dees Eerd heet in al zien leevens noets de Wèt gevoonde, noets gèt gelierd
Heer deeg in d'n tied vaan noe alles verkierd
Väöl versjèllende Rieke woorte altied en altied gestiech
De mins voolt dat es zien allergroetste pliech
Väöl rieke mèt väöl geloove lierde de mins kinne
De leuge vaan eeder geloof wouw heer ummertouw fèller beminne
Eder Riek gaof ziech euver aon arrogantie
Eder Riek streefde nao dominantie
Dee dominantie deeg de vräög vaan plant bies en stein verdwijne
Aofgesloote mèt zwoer doonkere gordijne
kós veur hun de zon noets mie sjijne
Slevenier vroog aon elk gesjaopene in harmonie mèt de naoste te leeve
Meh harmonie is al hiel lang neet mie bei de mins gebleeve
Door 't streeve nao dominantie verdween de harmonie in 't duuster
Niemes wouw mie zègke, Slevenier iech luuster
't Leech vaan Harmonie is aon 't oetgoon
Zie hèlt op te bestoon
Harmonie, 'n groet gebod vaan de wereld vaan de Machte
'n Hel oordeil steit de mins daan ouch te wachte
Zoe astrein zal de mins goon begriepe,
aon 't verdwijne vaan harmonie is ziene oondergaank te wiete
D'n euvergebleeve mins dee op dees Eerd maag blieve woene
zal Harmonie in fèlheid mote kroene
© Jef Franssen 2014
