In al die gesjiedenis die door de mins woort opgesjreeve
heet heer ummertouw hiel slum de leuge verweeve
Geine keuning wouw mach verleere
Zien piotte móste ziech ten koste vaan alles dao tege verweere
Nao de woere reie vaan deen oorlog woort neet gezoch
De leuge woort gemekeleker verkoch
De woerheit kós dee keuning good verdrejje
Valse gesjiedenis waor neet mie te vermije
Veer leete eus allemaol hiel gaw verleie
Noets kaom de woerheit aon 't leech
Noets voond de mins de woere weeg
Allein de winnende keuning sjreef zien historie
Allein heer waor de höbber vaan edere glorie
't Ind vaan 't gedrökte geld zal eus allemaol fčl raake
Die zwoer bom zal aon väöl 'n ind maake
Allein aon eus is 't te wiete
dat plant bies en stein nog altied stoon te kriete
Veer höbbe 't leech vaan euze naoste oetgedoon
Daodoor zalle veer eus zelf versloon
Noets höbbe veer dat gedach
Noets höbbe veer dat verwach
Meh door dee lčste oorlog zal de mach vaan de mins ten oonder goon
Gesjiedenis zal de euvergebleeve mins noets mie maage sjrieve
Heer zal mote liere, ziene naoste te iere