Mestreechs Heukske



DE ARK VAAN NOACH

Geëxpliceerd

Gesjreve en geïllustreerd door Jef Franssen


Jao miene vreund, in eder leeve gingste neet allein mer veuroet
De gings ouch wel 'ns achteroet
De gings ouch wel 'ns opzij
Dèks droogste wel 'ns de verkierde pij
Ouch kóste gein leeve euversloon
Eder leeve mós ouch diech oondergoon

Eder leeve höbste door 't woeste water vaan de "zucht" aofgelag
'n Rumpelloze zie hadste diech 't liefste bedach
Meh in de Mathematisch Wet is veur de mins
't gevech mèt de "zucht" vasgelag

In die woeste zie biste nog altied neet verdroonke
Mesjiens is 't diech oontgaange,
de höbs wel 'ns te väöl oet 't glaas "zucht" gedroonke

Um te vinde de riechtege ballans
höbs ouch diech väöl kanse oontvaange

Diech dinks dèks in 't aovendroed vaan dit leeve
Wie väöl gooj of slechte levens höb iech gesjreve
Is mien gewete nog altied bij miech gebleve
Zien mien aw gepótsde sjeun op dee zeuktoch neet verslete
Höb iech de "Aleinege Wet" neet vergete

Op al die vraoge zal Slevenier in d'n tied vaan noe antwoord geve

In eder leeve móste door 't woeste water vaan de "zuchten" goon
Höbste väöl "zuchten" mote versloon
In eder leeve höbste mote wèlle liere vaan d'ne naoste,
plant bies stein en zeukende mins,
te wèlle hawwe wie vaan diechzelf
D'n trots en fierheid mós rechop blieve stoon

De hoofdes neet altied te slage
Meh d'n bès um te slage, höbste mote wèlle doen
In dien ziel zouw noe "'t Elkander" kinne ontstoon

Slevenier zal dat aajd gesjreve book vaan diech touwdoen
'n Nui te sjrieve book zal Heer veur diech opedoen

Daan zal Heer diech 't mattriaol aonreike um 'n Ark te bouwe
Mèt al dat mattriaol móste in einzaomheid gans allein sjouwe
Dien Ark zalste allein mote make

Die Ark kin euver edere woeste zie vare
De hoofs neet mie door, de geis euver 't water vaan de "zuchten"
Meh, dat water kin diech nog altied rake
Väöl zieje zalste nog mote bevare

Plant bies stein en zeukende lui höbste mètgenoome
De kans dat diene zeuktoch zal slage is touwgenoome
De "zuchten" zalle diech noe minder belage

D'n Ark opweeg um te vinde 't "Elkander", is oetgevare

Mesjiens geiste die have invare

Die Nach  >>


<<   Trök nao d’n Inhaajd
© Jef Franssen 2017
HomeSouvenir ShopNew ArrivalsRLE ictMailboxEnglish SectionGreeting CardsDutch SectionSitemapDonations