Mestreechs Heukske

Verhäölkes en Gediechskes
in Mestreechter taol



Aajd Mestreech

Geveuld door 'ne Mestreechteneer

Gesjreve en geïllustreerd door Jef Franssen


Iech zaog häör traone en häör oonmach
toen iech leep door Aajd Mestreech
iech zaog de pijn vaan 't Vriethof en Aw Maosbröck
't verdreet heet häör noets mie verlaote
en niks woort häör bespaord
toch is zie altied gebleeve Aajd Mestreech

In häör is väöl aofgebrooke
verloore is häör mach
mesjiens weurt weer gèt nuij geboore
geboore oet aw prach

D'n tied heet häör gans veranderd
zie zaog dee valse weeg
väöl is neet gebleeve vaan Aajd Mestreech

Refrain:
AAJD MESTREECH
AAJD MESTREECH
kinste us vergeeve
AAJD MESTREECH


Wee zal euver häör goon waake
want häöre weeg is noch neet gedoon
aon de Maos laog häör bestoon
iech huur häör nao miech roope
laot miech neet ten oonder goon
mesjiens weurt get nuij geboore in Aajd Mestreech

Refrain:
AAJD MESTREECH
AAJD MESTREECH
kinste us vergeeve
AAJD MESTREECH


<<   Trök nao d’n Inhaajd
© Jef Franssen 2011
HomeSouvenir ShopNew ArrivalsRLE ictMailboxEnglish SectionGreeting CardsDutch SectionSitemapDonations