"144" ging in einzaomheid en gans allein op weeg
"144" ging volge 'ne kruusweeg
"144" ouch zie kós gein leeve euversloon
"144" wouw noets de weeg vaan de "zuchten" insloon
"144" leet de fierheid en de trots rechop stoon
"144" mós dee oongemekeleke weeg, altied bergop, goon
"144" zaog wat plant bies en stein waor aongedoon
"144" wouw in al die leevens noets blieve stèl stoon
Obbins... zaog "144" in de veerte 'n straolend leech
"144" woort vaan de leuge en 't bedrog bevrijd
"144" woort 'ne aandere weeg ingedrejjd
"144" häöre tied woort gans aanders besteid
Kinnis en weete, zie kreeg
"144" woort riek aongekleid
Bezittend edere kwaliteit
Vergetend boe zie vreuger mèt waor bekleid
"144" begreep de Mathematische Wereld
De Goddeleke Wereld heet mèt niks geliekenis
"144" wouw de mach vaan 't getal zien
"144" zaog allein de getalle vaan belaank ziende beteikenis
De koumende gebäörtenisse kin ze noe väöl beter euverzien
"144" zaog 12 kier 12
Dat getal sprik euver tied en häör zelf
De käös is aon tied geboonde
12 maond, 12 oor
De "Aleinege Wet" kin allein bij "144" weure gevoonde
12 apostelen, 12 zonen, 12 stammen
"144" zaog in de 12: 4 kier de 3
De 4, plant bies stein en mins, de 4 pu vaan taofel Eerd
door Slevenier zoe gearrangeert
De 3, Heer Zelf toent ziech in de Drei
't Machtegste Fóndemint
De Drei geit veur niemes opzij
"144" zaog in de 12: 2 kier de 6
De 2, 't getal vaan de wèl
Plant bies en stein höbbe de 2, de wèl nao de naoste,
de "Aleinege Wet" getoend
De 6, Drei kier Ziene Wèl
Heer toent Ziene Wèl
Plant bies en stein weure door Häöm groets beloend
Op Mooier Eerd weurt de lèste en veur de mins beslissende käös
door de wèl vaan "144" beslis
"144" zaog
in de 7, de 4 en de Drei
Mooier Eerd en Slevenier
"144" zaog
in de 8, 2 kier de 4
Ziene Wèl euver häör
Allein de Goddeleke Wereld sjrijf noe nog gesjiedenis
"144" zaog door de 8
'ne nui getoende weeg op 'n nui Eerd
Drei pu drage häör al
De veerde dragende poet is op Mooier Eerd nog neet bekind
Door de 8 is in deze tied ouch 'n nui begin
"144" dreug 'n zwoer, groete taak
umtot 't de Drei is die euver Mooier Eerd waak
Op Mooier Eerd toent zoe metein
allein "144" nog häör geziech
in 't vinde vaan de "Aleinege Wet"
